ബോളിവുഡ് താരം ഷാരൂഖ് ഖാന് മുംബൈ ക്രിക്കറ്റ് അസോസിയേഷന്റെ വിലക്ക്. മുംബൈ വാങ്കഡെ സ്റ്റേഡിയത്തില് പ്രവേശിക്കുന്നതിന് ഷാറുഖിന് ആജിവനാന്ത വിലക്കാണ് അസോസിയേഷന് നല്കിയത്.
റോം: റോജര് ഫെഡറര്ക്കും റാഫേല് നദാലിനും റോം മാസ്റ്റേഴ്സ് ടെന്നീസില് വിജയത്തുടക്കം. മാഡ്രിഡ് മാസ്റ്റേഴ്സ് കിരീടനേട്ടത്തിനു പിന്നാലെ ലോകരണ്ടാം നമ്പറായി ഉയര്ന്ന ഫെദററര് റോമിലെ ആദ്യ മത്സരം വലിയ കഷ്ടപ്പാടില്ലാതെയാണ് ജയിച്ചത്. അര്ജന്റീനയുടെ കാര്ലോസ് ബെര്ലോക്കിനെ നേരിട്ടുള്ള സെറ്റുകള്ക്കാണ് ഫെദറര് കീഴടക്കിയത്. സ്കോര് 6-3, 6-4. സമീപകാലത്ത് മികച്ച കളി കാഴ്ചവെക്കാന് കഴിയുന്നതില് സന്തോഷമുണ്ടെന്നും റാങ്കിംഗിനെക്കാള് അതാണ് തന്നെ സന്തോഷിപ്പിക്കുന്നതെന്നും ഫെദറര് പറഞ്ഞു. അതെസമയം മാഡ്രിഡിലെ നീലക്കളിമണ് കോര്ട്ടില് മൂന്നാം റൗണ്ടില് പുറത്തായി രണ്ടാം റാങ്ക് നഷ്ടമാക്കിയ നദാല്, തന്റെ തട്ടകമായ ചുവന്നകളിമണ് കോര്ട്ടിലും വെല്ലുവിളി നേരിടുന്നതാണ് റോമിലെ ആദ്യ മത്സരത്തില് കണ്ടത്. ജര്മന് താരം ഫ്ലോറിയന് മേയര്ക്കെതിരെ ആദ്യ സെറ്റ് 6-1ന് ഏകപക്ഷീയമായി നേടിയെങ്കിലും രണ്ടാം സെറ്റില് വിയര്ക്കേണ്ടിവന്നു. ടൈബ്രേക്കറില് 7-5എന്ന സ്കോറിനാണ് നദാലിന് ജയമുറപ്പിക്കാനായത്. സര്വ്വിലടക്കം പിഴവുകളുണ്ടാകുന്നുണ്ടെന്നും ഇത് പരിഹരിക്കാനാണ് തന്റെ ശ്രമമെന്നും നദാല് മത്സരശേഷം പറഞ്ഞു. ഈ മാസമൊടുവിലാരംഭിക്കുന്ന ഫ്രഞ്ച് ഓപ്പണില്കിരീടം നിലനിര്ത്താനുള്ള തയ്യാറെടുപ്പിലാണ് നദാല്
ഐ പി എല്ലില് ഇന്ന് രണ്ട് മത്സരങ്ങള്. ധര്മ്മശാലയില് വൈകീട്ട് നാലിന് നടക്കുന്ന ആദ്യ മത്സരത്തില് കിംഗ്സ് ഇലവന് പഞ്ചാബ് ചെന്നൈ സൂപ്പര് കിംഗ്സിനെ നേരിടും. രാത്രി എട്ടിന് ഫിറോസ് ഷാ കോട്ല യില് നടക്കുന്ന രണ്ടാം മത്സരത്തില് ഡല്ഹി ഡെയര് ഡെവിള്സ് ബാംഗ്ലൂര് റോയല് ചലഞ്ചേഴ്സിനെ നേരിടും.
ഒരു ബാറ്റ്സ്മാന് വേണമെങ്കില് ഓവറിലെ എല്ലാ പന്തും സിക്സിന് പായിക്കാം. എന്നാല് ഒരു ബൗളര്ക്ക് എതിര്ടീമിലെ പത്ത് വിക്കറ്റുകളും നേടാനാകില്ല എന്നവിശ്വാസം തിരുത്തപ്പെട്ടത് 1956ലാണ്. ക്രിക്കറ്റ് ചരിത്രത്തിലെ ബൗളിംഗ് പ്രകടനങ്ങളില് ഏറ്റവും അത്ഭുതകരമായ ഒന്നിന്റെ ഓര്മകള് പുതുക്കുകയാണ് ക്രിക്കറ്റ് ലോകം ഇന്ന്.
